Gjere greie for hovudsyn og argumentasjon Langsvarsoppgåve 4 Hovudmål, hausten 2018 Lenkje til oppgåva: https://sokeresultat.udir.no/eksamensoppgaver.html#?k=hovedm%C3%A5l&start=1&r1=%C7%82%C7%8256696465726567c 3a5656e6465&r1val=Videreg%C3%A5ende&r2=%C7%82%C7%82456b73616d656e736f70706761766572&r2val=Eksamensop pgaver&r3=%C7%82%C7%82323031382d32&r3val=H%C3%B8st%202018&openedmodalwindow=1

Oppgåva Vedlegg: «Ikke glem språket vårt» av Åse Wetås, frå Bergens Tidende 17.09.2017 Formuler kort hovudsynet i teksten og forklar korleis forfattaren argumenterer for synet sitt. Kommenter til slutt denne påstanden frå teksten: «Språket definerer hvem vi er.» Kommentar: Oppgåva er tredelt. I den første delen skal du kort og presist formulere hovudsynet. I den andre delen skal du bruke relevant fagspråk. I den siste delen skal du vise evne til sjølvstendig refleksjon.

Kvifor bør du velje denne oppgåvetypen? Disposisjonen er gjeven i oppgåveformuleringa. Du kan bruke det du kan om språk. Du får vist evne til å forstå tekst (tekstkompetanse). Dette er ei oppgåve der du ofte blir beden om å seie di eiga meining til slutt.

Les vedlegget med pennen Les artikkelen to gonger. Strek under hovudsynet. Strek under argumenta. ©NTBscanpix

Hovudsynet i teksten Hugs at hovudsynet er ei meining eller ei haldning – ikkje eit faktum. Eit hovudsyn er noko ein kan argumentere for. Tittelen er neppe tilfeldig. Han kan antyde eit hovudsyn. Skriv ned det du meiner er hovudsynet i denne teksten. Les det du meiner er hovudsynet i artikkelen, for ei gruppe på 3–4 medelevar. Diskuter korleis de kan formulere hovudsynet på ein kort og presis måte.

Innleiing og hovudsyn Skriv innleiinga. Du må ha med denne informasjonen: Tittel og forfattar på teksten du skal skrive om, kvar og når han er publisert. Du kan formulere hovudsynet allereie i innleiinga. Iallfall bør du seie noko om kva teksten handlar om. Når du formulerer hovudsynet, bør du bruke omgrepet «hovudsyn». Du kan også innleie med nokre generelle tankar om det teksten tek opp.

Vurder innleiinga Gå saman i grupper på 3–4. Les innleiingane høgt for kvarandre. Vurder kva for ei innleiing som fungerer best, og forklar kvifor ho fungerer så godt. Gå tilbake til teksten din og juster innleiinga.

Argumentasjon Du skal bruke fagspråk når du forklarer argumentasjonen. Diskuter kva for fagord som er relevante. Oppgåva ber ikkje om retoriske omgrep, men du kan bruke det (for eksempel etos-, patos- og logosappell, retoriske spørsmål, gjentaking, plussord, metafor, samanlikning). Skriv eit utkast til del to. Forslag til temasetningar: Gjennom dei språklege verkemidla gjentaking og besjeling peikar Wetås på kor viktig det er at vi tek vare på det norske språket som ein del av kulturarven vår. Ved hjelp av positivt ladde ord om norsk språk appellerer Wetås til kjenslene våre og understrekar at det norske språket er ein del av det som definerer oss som nasjon.

Sjekkliste for del to av oppgåva Brukar du fagspråk? Har du skrive temasetningar som innleier kvart avsnitt? Svarar du på korleis Wetås argumenterer? Underbyggjer du med døme? Er språket ditt korrekt og presist? Er språket variert? Bruk gjerne synonymfunksjonen. Brukar du tekstbindarar?

Kommentar og refleksjon I den siste delen av oppgåva skal du kommentere påstanden «Språket definerer hvem vi er». Her skal du vise sjølvstendig refleksjon. Å kommentere vil seie at du kan dele tankane dine om dette. Du skal vise refleksjon, men det er også ein fordel å vise at du har lært noko i språkhistoria som kan støtte tankane dine. Du kan trekkje inn eigne tankar, erfaringar og døme. Har språket nokon gong definert deg? Har nokon tenkt eller sagt noko om deg ut frå korleis du snakkar eller skriv? Denne delen av oppgåva bør vere 1–2 avsnitt. Han skal ikkje utgjere berre avslutninga. Det bør definitivt vere meir enn eit par linjer.

Avslutning I avslutninga må du binde dei delane som handla om artikkelen, saman med dine refleksjonar rundt den eine påstanden frå teksten. Du bør avslutte på ein slik måte at lesaren forstår at teksten er slutt. Du bør ikkje bringe nye moment eller døme inn i konklusjonen din.

Skriveramme Kva må med? Døme på temasetning/setningsstartarar Innleiing Presenter artikkelen. Set artikkelen inn i ein kontekst. Artikkelen «Ikke glem språket vårt» blei publisert i Bergens Tidende i 2017. Hovudsyn Formuler hovudsynet kort og presist. Bruk uttrykket «hovudsyn». I artikkelen hevdar Wetås at … Argumentasjon 2–3 avsnitt om korleis Wetås argumenterer Bruk fagspråk! Gjennom dei språklege verkemidla gjentaking og besjeling peikar Wetås på kor viktig det er at vi tek vare på det norske språket som ein del av kulturarven vår. Kommenter påstand 1–2 avsnitt Wetås har på mange måtar rett i at språket definerer kven vi er. På den eine sida … På den andre sida … Derimot … Vi kan heller ikkje sjå vekk frå at … Avslutning Samanfatting/refleksjon Ved å kople språket til identiteten vår som norske oppmodar Wetås … Skriveramme

Sjekkliste Sjekk at du har fått med alle detaljane i innleiinga. Sjekk at kursiv og hermeteikn er brukt på korrekt måte. Sjekk at du siterer korrekt. Sjekk at du svarer på alle delane av oppgåva. Sjekk at du underbyggjer med sitat/parafraserer artikkelen når du analyserer argumentasjonen. Sjekk at du brukar fagspråk. Sjekk at du varierer språket ditt. Bruk gjerne Ctrl + H for å sjekke kor ofte du brukar dei orda du trur du brukar mykje. Bruk synonymfunksjonen. Sjekk at du har gode temasetningar og samanbinding mellom avsnitta. Bruk tekstbindarar! Sjekk at det ikkje er skrivefeil og teiknsetjingsfeil i svaret ditt. Sjekk at konklusjonen verkeleg rundar av svaret ditt. Sjekk at kjeldelista er korrekt, og at du har ført opp kjelder på ein korrekt måte.