Biblar til Syria og Irak - Behovet for biblar har aldri vore større

Presentasjon om: "Biblar til Syria og Irak - Behovet for biblar har aldri vore større"— Utskrift av presentasjonen:

1 Biblar til Syria og Irak - Behovet for biblar har aldri vore større
Bibeldagen er den årlege markeringa av kor viktig Bibelen er i kyrkja – både i Noreg og i heile verda. I 2018 er det Syria og Irak som står i fokus. I seks år har krigen i Syria vara – eit år lenger enn Andre verdskrigen i Noreg. Den grufulle terroren og krigføringa til ISIS har drive millionar på flukt. Også fleire hundre tusen kristne har flykta. Før krigen var det 2 millionar kristne i Syria og 1,5 millionar i Irak. No er det mindre enn ein halv million kristne i begge landa. Biblar til Syria og Irak - Behovet for biblar har aldri vore større Bibeldagen 2018 Foto: Dag K. Smemo, George Andrea, Lina Musharbash og Bernt G. Olsen

2 Mange kristne vender no attende til utbrente kyrkjer i Syria og Irak
Mange kristne vender no attende til utbrente kyrkjer i Syria og Irak. Også biblane i kyrkjene er brende. På Bibeldagen 2018 kan norske kyrkjelydar hjelpa kyrkjene i Syria og Irak å fylla hyllene med nye biblar. Men no byrjar mange å venda attende til byane sine, blant anna til dei kristne byane på Ninive-sletta i Irak. Dei samlar seg på nytt til gudsteneste i utbrende og raserte kyrkjer. Men alt av bilete, bøker og inventar er brent og øydelagt. Biletet er frå ei kyrkje i byen Qaraqosh i nærleiken av Mosul i Nord-Irak. Bibeldagen 2018

3 - Alle hus og kyrkjer på Ninive-sletta er øydelagde og brende
- Alle hus og kyrkjer på Ninive-sletta er øydelagde og brende. Storbyen Mosul er øydelagd langt ut over alt du kan tenkja deg. Lina Musharbash, Bibelselskapet «Eg vart sjokkert over øydeleggingane då eg køyrde frå Erbil til Qaraqosh på Ninive-sletta», fortel Lina Musharbash frå Bibelselskapet. Flyktningleirane ved Erbil tek til å tømmast, og dei kristne vender attende til øydelagde kyrkjer og heimar. I den kristne byen Qaraqosh er det no tre tusen familiar som har vendt attende. Men Mosul er øydelagt langt ut over alt kva du kan tenkja deg. Difor er det ingen som har vendt tilbake dit enno. Bibeldagen 2018

4 - Eg var med då Lara og Ihsan kom attende og fann det nye huset sitt i ein ruinhaug. Lina Musharbash
Det unge ekteparet Lara og Ihsan er eit døme på ein familie som no vender heim. Dei brukte seks år på å byggja hus i Qaraqosh, men fekk berre bu der i to år før ISIS kom og dreiv alle kristne ut or byen. No må dei starta heilt på nytt. Men større enn tapet av huset er sorga over mor til Ihsan. Ho døydde på flukta frå Qaraqosh, på golvet i ei kyrkje i Erbil der fleire hundre flyktningar frå Qaraqosh hadde søkt tilflukt. Bibeldagen 2018

5 Ei kvinne frå Qaraqosh i Nord-Irak
- Då Jesus kom til jorda, fann han heller ikkje nokon heim. Om Jesus kunne gå gjennom dette, kan vi òg. Ei kvinne frå Qaraqosh i Nord-Irak Ei kvinne frå Qaraqosh samanliknar sin eigen situasjon med det Jesus opplevde: «Då Jesus kom til jorda, fann han heller ikkje nokon heim. Viss Jesus kunne gå gjennom dette, kan vi det òg», sa ho til Nabil Omiesh i Bibelselskapet i Irak. Bibeldagen 2018

6 «Jesus er lyset for verda»
Symbola til ISIS blir no måla over med bibelord i dei kristne byane på Ninive-sletta i Irak. Det første Lara og Ihsan gjorde, var å måla over bokstaven «N» som ISIS hadde måla på huset. «N» står for «Nasarear», altså «kristen», og tyder at dei som budde i huset, var å rekna som fritt vilt. Som biletet viser, har ISIS òg måla symbola sine og slagord rundt omkring i byen. No blir alt dette stroke over, og bibelord blir skrive på veggene i staden, som «Gud er kjærleik», eller som her i raud skrift: «Jesus er lyset for verda». Bibeldagen 2018

7 - Dei fleste biblane våre er brende, og vi må erstatta dei.
Erkebiskop Yohanna Petros Mouche i den syrisk-katolske kyrkja i Qaraqosh I kyrkjene er det ingen ting att. ISIS har brent og øydelagt alt inventar i kyrkjene på Ninive-sletta. Erkebiskop Yohanna Petros Mouche i Qaraqosh ved Mosul seier til bibelmisjonsleiar Bernt G. Olsen: «Dei fleste biblane våre er brende og må erstattast». For i kyrkjene i Irak blir Bibelen brukt ivrig. Dei kristne har med seg Bibelen i kyrkjebenken. Dei les tekstene høgt saman, eller i veksellesing mellom prest og forsamling. Bibeldagen 2018

8 I dette rommet var det omkring fem hundre biblar som var den personlege eigedomen til dei kristne, fortel Nabil Omiesh i Bibelselskapet i Irak. Det stod namn i alle biblane. Nokre av dei kristne tok biblane med seg heim, medan andre hadde dei ståande i dette rommet i kyrkja. No er alt brent. Sjølv ikkje barnebiblane er sparte. «Eg gret då eg kom inn. ISIS må ha brukt bensin for å skapa ein så sterk varme her inne», seier Omiesh. No bønfell biskop Yohanna Petros Mouche han om nye biblar til dei kristne i Qaraqosh. - Eg gret då eg kom inn. I dette rommet var det fem hundre biblar. Nabil Omiesh, Bibelselskapet i Irak Bibeldagen 2018

9 - Leiarane i kyrkjene kjem for å bønfalla oss om hjelp til å skaffa nye biblar. «Ver så snill og hjelp oss», seier biskop Mouche til meg. Nabil Omiesh, generalsekretær i Bibelselskapet i Irak Leiarane for alle kyrkjene kjem no til Bibelselskapet, fortel Nabil Omiesh oss. «Dei bønfell oss om hjelp til å skaffa nye biblar», seier han. I kyrkje etter kyrkje over heile Ninive-sletta er situasjonen slik som her. «Vi byrjar med å dela ut ti tusen biblar til jul, saman med barnebiblar og julegåver til borna», seier Omiesh. «Men dette er berre ein start». Bibeldagen 2018

10 - Behovet for biblar har aldri vore større
- Behovet for biblar har aldri vore større. Det har aldri vore meir bruk for Bibelselskapet enn no. Nabil Omiesh, generalsekretær i Bibelselskapet i Irak Det er ingen ting att i kyrkjene i Qaraqosh. «Det har aldri vore meir bruk for biblar enn no. Og det har aldri vore meir bruk for Bibelselskapet enn akkurat no», seier Nabil Omiesh til bibelmisjonsleiar Bernt G. Olsen i Det Norske Bibelselskap. Bibeldagen 2018

11 - Vi treng mykje slags materiell for å byggja opp att kyrkjene våre
- Vi treng mykje slags materiell for å byggja opp att kyrkjene våre. Men det aller viktigaste er biblar. For vi har mista alle biblane vi hadde. Erkebiskop Nikodemus Daoud Sharaf i den syrisk-ortodokse kyrkja i Mosul Også biskopen i den syrisk-ortodokse kyrkja i Nord-Irak, erkebiskop Nikodemus Daoud Sharaf, bed Bibelselskapet om biblar til kyrkjene. Bibelen er svært sentral i kyrkjene i Irak, sidan han blir brukt både i gudstenestene og i heimen. Difor er det så viktig at vi no kan hjelpa kyrkjene med å skaffa nye biblar. Bibeldagen 2018

12 - Dersom vi treng møblar, kan vi gå til nokon andre
- Dersom vi treng møblar, kan vi gå til nokon andre. Men når vi treng biblar, har vi ingen andre å gå til enn Bibelselskapet. Erkebiskop Nikodemus Daoud Sharaf i den syrisk-ortodokse kyrkja i Mosul Det er ingen andre enn Bibelselskapet som har ein organisert import av biblar til korkje Syria eller Irak. Gjennom eit langvarig samarbeid med alle dei ulike kyrkjene, både katolske, ortodokse og evangeliske, er det bygt opp ein sterkt tillit. Kyrkjene veit dei kan stola på at Bibelselskapet kan skaffa dei biblar og kristne bøker. No som behovet er så stort, må vi hjelpa dei å bera dette ansvaret. Biletet viser brende nytestamente på golvet i ei kyrkje i Qaraqosh. Bibeldagen 2018

13 - Vi distribuerte biblar til meir enn tre tusen menneske
- Vi distribuerte biblar til meir enn tre tusen menneske. Folk spør oss etter biblar, ja, dei tørstar etter biblar. Tru meg – no er den rette tida! Nabil Omiesh, generalsekretær i Bibelselskapet i Irak, om ei stor bokmesse i Nord-Irak. Det er mange lyspunkt i dagens situasjon. Nabil Omiesh fortel at Bibelselskapet er med på bokmesser, som denne i Nord-Irak hausten Krigen har skapt ei lengsle etter å læra meir om kven Jesus er og kva kristen tru dreier seg om. Det er stor interesse for biblar og bøker ved standen til Bibelselskapet. Også i kyrkjene er Bibelselskapet til stades med bokbord og bibelutdeling på bibelsundagen. Bibeldagen 2018

14 - Det er mange som spør etter materiell til borna.
Generalsekretær George Andrea, Bibelselskapet i Syria. Også Bibelselskapet i Syria merkar at mange spør etter materiell til borna. Fire millionar born har ikkje fått skulegang dei siste seks åra. Dei har heller ikkje fått opplæring i den kristne trua i kyrkja si. For framtida til den kristne trua i Syria og Irak er det viktig å gje hjelp til trusopplæring. Difor skal ein del av dei innsamla midla frå Bibeldagen 2018 gå til utdanning av trusopplærarar og sundagsskulelærarar, og til barnemateriell som kan brukast i trusopplæring Bibeldagen 2018

15 - Vi lever i permanent angst
- Vi lever i permanent angst. Vi høyrer skot og bomber, vi har hatt rakettnedslag på taket og andre hendingar. Likevel freistar vi å leva så normalt som mogleg. Det er viktig å halda fast på både roa og trua. Fader Yousef i den gresk-katolske Kyrillos-kyrkja i Damaskus i Syria. Dag Kjær Smemo frå Det Norske Bibelselskap drog til kyrkjene i Damaskus våren Sjølv om øydeleggingane ikkje er like store i Damaskus som i Aleppo eller i Nord-Irak, er folk likevel sterkt prega av krigen. «Vi lever i permanent angst», seier fader Yousef i Kyrillos-kyrkja i Damaskus. Alle har opplevd dramatiske situasjonar, og alle kjenner nokon som er drepne eller har måtta flykta. Dei opplever støtta frå Det Norske Bibelselskap og forbøna frå norske kristne som heilt avgjerande i desse vanskelege åra. «Eg har aldri vore på eit meir meiningsfullt besøk», fortel Smemo.

16 - Bøkene kostar 40 kroner, men barnefamiliane kan ikkje betala meir enn høgst fire kroner. Fader Yousef Krigen har gjort at alt har vorte dyrare, og folk har fått mykje dårlegare råd. Difor kan ikkje ein barnefamilie betala det som ei bok eigentleg kostar. Dei er avhengige av støtte utanfrå, slik at prisen kan setjast kraftig ned. Også materiellet har vorte dyrare. Før kunne mykje trykkjast inne i Syria, fortel George Andrea i Bibelselskapet, men no må det importerast frå Libanon. Difor kostar òg barnebøker meir enn før. Ein del av midla frå Bibeldagen går til barnebiblar og anna materiell til born. Bibeldagen 2018

17 - I denne vanskelege tida er det viktig for familien å få håp og trøyst gjennom Guds ord. For Bibelen seier: «Herren er vår tilflukt». George Andrea, generalsekretær i Bibelselskapet i Syria Mange søkjer åndeleg hjelp i denne vanskelege tida, seier George Andrea i Bibelselskapet i Syria. «Både foreldre og besteforeldre bed om materiell til borna.» For gjennom orda i Bibelen kan born og unge få nytt mot og tru på framtida.

18 - Folk spør etter biblar, nytesta-mente og andre bibelske bøker
- Folk spør etter biblar, nytesta-mente og andre bibelske bøker. Akkurat som lys, varme og mat treng dei òg åndeleg mat. George Andrea, generalsekretær i Bibelselskapet i Syria Folk treng lys, varme og mat når dei kjem tilbake etter krigen. Mange organisasjonar arbeider med dette. Men oppdraget til Bibelselskapet er å skaffa biblar til alle som ønskjer det, og det er no stadig fleire som spør etter ein bibel til seg og familien sin. «Vi har aldri distribuert fleire biblar enn under krigen», fortel George Andrea i Bibelselskapet i Syria.

19 - Alle kjem til oss og bed om biblar og andre bøker
- Alle kjem til oss og bed om biblar og andre bøker. Vi skaffar alt; vi har 1800 ulike titlar. Sjølv under kringsetjinga av Aleppo greidde vi å skaffa biblar. George Andrea, generalsekretær i Bibelselskapet i Syria «Vi formidlar hjelp til alle kyrkjesamfunn, både ortodokse, katolske og evangeliske», seier George Andrea. «Vi kan skaffa alt; vi har 1800 boktitlar på lager. Sjølv under den langvarige kringsetjinga av Aleppo klarte vi å skaffa biblar og bøker», seier han.

20 - Vi er avhengige av materiellet frå Bibelselskapet.
«Vi er heilt avhengige av materiellet frå Bibelselskapet», fortel Elias i Kyrillos-kyrkja i Damaskus. I kyrkja hans er det meir enn tusen born og unge, og dei treng biblar, barnebiblar og sundagsskulemateriell for å driva arbeidet slik dei ønskjer. «Mangelen på biblar og bøker gjer det vanskeleg å driva barne- og ungdomsarbeid», seier fader Yousef, ein av dei tre prestane i forsamlinga. La oss støtta Elias og andre leiarar i kyrkjene i Syria og Irak med biblar og bøker! Elias (25) leiar for barne- og ungdomsarbeidet i Kyrillos-kyrkja i Damaskus Bibeldagen 2018

21 - Eg synest det er så viktig at folk i andre land får vita at vi syrarar framleis er her, og at vi framleis feirar jul, påske og alt det gode! Anna Massad, leiar i ei kristen speidargruppe i Damaskus Anna Massad, her kledd i uniforma til den kristne speidargruppa ho er leiar for, vende attende til Syria midt under krigen, frå Spania der ho studerte internasjonale relasjonar. Ho er svært glad for at kyrkjene i Noreg set fokus på hennar eige land under Bibeldagen. «Eg synest det er så viktig at folk i andre land får vita at vi syrarar framleis er her», seier ho, «og at vi framleis feirar jul, påske og alt det gode!»

22 - Fleire sa at dei samanlikna si eiga liding med Jesu liding på krossen. Dei finn trøyst i at Jesus har lide og lid med dei. Dei er ikkje åleine. Dag K. Smemo, Det Norske Bibelselskap Det er ei sterk oppleving å vera med på påskefeiring i Damaskus i Syria. Dei kristne identifiserer seg sterkt med Jesus og kjenner at Jesus forstår dei i lidingane deira. «Jesus sette seg sjølv i den same situasjonen som oss», seier George Andrea i Bibelselskapet i Syria. «Han leid slik som vi her i Syria. Etter seks år med krig og liding er desse bibeltekstene sterke å lesa».

23 Dei kristne i Syria og Irak står overfor eit dilemma: Skal dei bli verande i landet sitt, for å sikra at den kristne trua overlever i denne delen av verda, men med fare for framtida til familien? Eller skal dei emigrera til eit anna land, for å sikra ei trygg framtid for familien, og at borna og barneborna aldri skal oppleva den same forferdelege krigen og terroren som dei sjølve? Kva ville vi ha gjort i deira situasjon? Med støtta vår er vi med og hjelper dei kristne som er att, til å ta vare på den kristne trua i denne regionen og gje ein ny generasjon opplæring i trua. Vi vil hjelpa kyrkjene å gje ein ny generasjon opplæring i trua, så den kristne trua kan overleva i Syria og Irak. Bibeldagen 2018

24 - Dei ser det som eit kall å gje Bibelen til det syriske folket
- Dei ser det som eit kall å gje Bibelen til det syriske folket. Støtta frå oss i Noreg kan ikkje verdsetjast høgt nok. Dag K. Smemo om staben i Bibelselskapet i Syria Styrken til Bibelselskapet er at vi har eit nasjonalt bibelselskap i alle land, som sørgjer for at midla blir brukte til det dei skal. Dag Kjær Smemo er imponert over staben i Bibelselskapet i Syria. «Eg har no følgt dei i femten år, heilt sidan første gongen eg var i Syria. Dei har alltid sett det som eit kall å gje Bibelen til det syriske folket. Dei står på døgeret rundt, heile veka. Besøket frå oss var ei stor oppmuntring for dei. Støtte og forbøn frå Bibelselskapet i Noreg kan ikkje verdsetjast høgt nok. George Andrea var tydeleg på at den hjelpa dei får frå Det Norske Bibelselskap, har vore heilt avgjerande for dei i alle desse åra». Bibeldagen 2018

25 Ein hundrelapp til bibelarbeidet i Syria og Irak vil fordela seg slik:
27 kroner: Biblar og bibeldelar til vaksne: Bibelselskapet samarbeider med alle kyrkjer i Syria og Irak og sørgjer for biblar og bibeldelar, blant anna kalendrar med bibelvers. 13 kroner: Biblar til born og ungdom: Bibelen kan gje von og framtidstru til born og unge. Prosjektet vil læra born og unge den kristne trua å kjenna – m.a. gjennom barnebiblar. 28 kroner: Utdanning av 400 nye trusopplærarar: Etter seks år med krig er det mange som ikkje har fått undervising i trua. Vi vil hjelpa kyrkjene å gje ein ny generasjon opplæring i trua. 11 kroner: Bibelmateriell til trusopplæring: Bibelselskapet skaffar bøker med bibelhistorier og anna materiell til trusopplæring for både born og vaksne. 11 kroner: Løn og drift av Bibelselskapet i Syria og Irak: På grunn av krig og økonomisk nedgang treng Bibelselskapet støtte til å lønna medarbeidarane som distribuerer biblane. 10 kroner: Bibelutdeling og arrangement i kyrkjene i Irak: Besøk og arrangement i kyrkjene hjelper Bibelselskapet å forstå kva kyrkjene treng og korleis ein kan støtta dei. 27 kroner: Biblar og bibeldelar til vaksne 13 kroner: Biblar til born og ungdom 28 kroner: Utdanning av 400 trusopplærarar 11 kroner: Bibelmateriell til trusopplæring 11 kroner: Drift av bibelselskapet i Syria og Irak 10 kroner: Bibeldagen i kyrkjene i Irak Bibeldagen 2018

26 Vi kan støtta årets bibeldagsprosjekt på fleire måtar: Anten ved eit vanleg takkoffer, eller ved ei elektronisk betaling. Vi kan senda ei tekstmelding til nummer 2468, med teksta «BIBEL SYRIA», og 200 kroner blir lagd til mobilrekninga og går til bibelarbeidet i Syria og Irak. Eller vi kan senda ei valfri innbetaling med Vipps til nr , med teksta «Syria», og dessutan namnet vårt og adressa. Takk for di støtte til dei kristne i Syria og Irak på Bibeldagen 2018! Bibeldagen 2018